ہندو ئوں کو چھوڑ کر باقی سبھی بچے پیدا کرنے میں لگے ہوئے ہیں. مرکزی وزیر گری راج سنگھ کی ایک بار پھر گھٹیا بیان بازی..

جھارکھنڈ کے دمکا ضلع کے باسكي ناتھ دھام میں پوجا کرنے پہنچے بی جے پی وزیر گری راج سنگھ نے ہندوؤں پر تبصرہ کرتے ہوئے پارٹی کی مصیبتیں بڑھا دی ہیں۔ گری راج نے بیان دیا ہے کہ ملک میں ہندوؤں کی آبادی مسلسل کم ہوتی جا رہی ہے وہیں دوسری کمیونٹی اپنی آبادی بڑھانے میں لگی ہوئی ہے اگر یہ سلسلہ یوں ہی چلتا رہا تو مندروں میں بھگوان کی پوجا کرنے کون آئے گا؟ ہندوؤں کی مسلسل گھٹتی آبادی پر ہمیں ایک



سخت قانون بنانے کی ضرورت ہے اس قانون میں تمام کمیونٹی کے لوگوں کے لئے دو بچوں کو ہی رکھنے کی آزادی ہونی چاہئے کیونکہ ملک کی ترقی اور سماجی ہم آہنگی کے لئے آبادی کو کنٹرول کرنا بہت ضروری ہے۔ مسلمانوں پر طنز کرتے ہوئے گری راج نے کہا کہ مسجدوں سے جب ہند مخالف نعرے لگتے ہیں تب عدم برداشت کی بات کرنے والے کہاں چلے جاتے ہیں؟ جب ملک میں دہشت گردانہ حملے ہوتے ہیں کشمیر میں پتھر بازی ہوتی ہے تب کوئی کیوں نہیں بولتا؟۔